Ganvchem Fest

Ganvchem Fest



Saad Muzgamcho, ghonghon fozneacho,
Porzollo fantho Festa disacho
Ghorcho lok umetin utun kuznank ghatlo veddo
Festache umeticho zorro kuznantleanuch funtlo


Tandull, chunrek ghalun sur, rog'dear marlo doldollo,
Sann'a borobor, veldur ani sorpatelacho zum zum suntlo,
Taktikean randun ginssam-var jevon korun thoir,
Kuznatlim soglim monx'eam zallim voiar


Fer marun suttak, sadieank ani ropak,
Jeanot nesun bahir sorle, vosunk misak
Boxieant ghalun poixe, festachem ful lailem buzak,
Igorgeant sorun bithor, fest-porberchi zali survat


Mis zatoch urbean pursanvant gheavun vanto
Sogleani vadoilo sontos Festache porbecho,
Ektaien kermesant, housieant divun thenko
Festachim porbim vantun ximpdailo pormoll ekcharacho


Ruchichem jevon khann mandun mezar,
Soiream-dhairerani vanto ghetlo, Devache atovun upkar
Sorean, servejin than bagoili khuxhall'kayechea nadar
Khavun jevun sangata dadoxi zalo purai porivar


Ferieant, kadi bodi, ghorom chonne khavun,
Dadoxi zalim lhan-vhoddam, sabar Khell khellun
Festache umetin soglimch hanstin tondam ganvank
Ganvcho ekvotak polloun sontos bogta jivak


Festachim ononit probim Navelimchea soggot lokak.



Freddy Agnelo Fernandes

http://groups.yahoo.com/group/gulf-goans/message/26957
WWW.GOA-WORLD.COM

Natalamchem Fest

Natalamchem Fest



Zorui Devan rochloi monxak aplea sarkeacho
Tori Devachem vorteponn vholkunk monis vixorloi
Onupkari monxak zanvchem aslem Deva sarkeacho
Vodvikayecho monis patkachea ghulamponnak sampodloi


Tori doyea amchea Dev-Bapachi xim-mer nasloli
Bapan monxakulak bhetoili jinn aplea ekleach Putachi
Novsorunk jinn monxamchi, patkachi kadunk sauvli
Vaunvli moxakula thaim zor mog-moipasachi

Dev Putan soimb ghetlem patki monxa kuddint
Monxakulak sodovunk patkachea ghulam ponnantlim
Ghorib ghorvam-gotto khadlo sodun khalke ratint
Ankvaren zolom dilo Deva Putak khalteponnim


Dev Putachi zolma khobor khuxallkayeachi
Dili ghorib ghorvam rakneank Ainz-bhodveani
Poixillea ghanvant on-bhavarti monxamchi
Jinn borli umedin polloun chinn nokatr'rachi


Sorgar vorto sontos Aniz-bhodveancho
Dhortorer lok-lokit porzollo fanto uzvadlo
Kitlo abang mog Devak munxakulacho
Monxachea patki jivitacho bandpas thodlo


He vortea khorn'nek monxakulan Devak dinvaschem
Devan kellem mogachem dhan, ami korchem pellea sovem
Monxakulan sodanch monan-khalzan nitoll aschem
Khaltikayien dusreachem jivit ami korchem goddvem


Soglleank khuxallborit, anondborti ani povitr
Natalamchem fest anvdetam,
Balok Jezun sogleank bori bolaiki ani familint
mog-moipasacho bhandpas odik ghott khorum
Tumkam soglleank Natalachea festachim un-unit porbim



Wish one and all a very happy and holy Christmas,
May Baby Jesus bless us all with good health and happiness
and strengthen the bonds of love in our families

Bon Fest Natal



Freddy Agnelo Fernandes
Dubai/Tuem-Goa

23 December 2009
http://groups.yahoo.com/group/gulf-goans/message/27474

Novea Vorsache Nichev

Novea Vorsache Nichev

Purai voros hansun nachun zait ailem kobar
Natalam sompon novem voros tenklem dokkear
Soglleachem ontoskorn marta dharrar
Pornem vorsache nichev kityeak uble varrear ?

Novem voros kitem haddit aplea lharar
Sabar chintnam sopnam asson mattear
Zaitech uprastat prosn amchea mukhar
Bhoreponnamchi axa fullea tallear

Vixorleanv jinnechi dixa oskotayean amchea
Fatlea vorsachea nichevamchi zali doxa
Vixor ghalun amchea noxti jivitachea
Fudlem voros zavunk sufol amchi axa

Novem voros udeche adim mollbar
Yeta thea vorsak dhiran zavunk thoiar
Ghalumia nodor amchea oskot jivitar
Amche nichev mandun zanvia voiar

Noxti jivit soddun bodluk ghoroz amkam
Boreponnuch chintun paul marum amchem sukant
Khoreponnim nove dixechim zavum amchim jivitam
Sukh-shanti vosum amchea kutumbant

Vorthea monnan nichev ami khorumia
Ami amchea oskotayeimcher zoitivont zanvum
Okkond khaliz-monnache zavunk thokos ami ghevumia
Vauruia novem vorosant amche nichev xartipavum

Somestank kuxhallborit , anondborit ani povitr Novem Voros anvdetam, thech barabor maghtam bori bolaiki ani sukh shanti vosum tumchea ghorranim ani mog sorv-bhountim

Wish you all a very joyful, happy, healthy and holy New Year along with peace in your homes and love all around
Happy New Year 2010

Freddy Agnelo Fernandes
(Dubai)


--------------------------------------------------------------------------------

http://www.youtube.com/watch?v=aV46yK_c5DM&feature=related
GOENCHIM FESTAM, GOENCHIM KAZARAM,
GOENCHIM NATALAM, NEW YEAR

Amchi Sodvonn

Amchi Sodvonn


Provadeani ani baknamranni borovun sorlle kall
Bapachi khuxi modunk nasli putachi chal
Put zalo razi monxakullacher denvli mayechi vall
Xobd zavun monis, Devachea boreponnachii utlli sal

Bapacho hukum palunk, monxakullak sodvonnechem zalem dar
Amchim patkam gevun aplea matear sodoiloi patki sonvsar
Kirkoll manxanchea jivtacher uzvadllo kakluticho rupkar
Bhag monxakullachem Jezu vorvim amkam daiz sorgar

Devput zavunui nixtor moxachea hatant sonsle tras
Bapaxim maglo monxakullak disa-dipotto ghiras
Mattear kanteancho mukut angavlear podlo rogtacho paus
Amchea patkancho khuris gevun khandar dongor chodlo khas

Niticho munsubidar zavunui zalo razi moronk khursar
Fapsololi kud amchea somiachi vingli korun sobemazar
Churchure nastonam hat paiamcher kello killeamcho var
Bapachi khuxi mhunnon xinnonastanam pran sodlo Khursar

Keddi maya amchea Devachi, chakli zor Tanchea udaarponnachi
Monxakullak bhettoili kudd aplea ekleach apurbayechea putachi
Thankunk zauchi nam amchean kholai Dev Bapachea mogachi
Patkachea ghulamponnatle sutken zalim ami sorgimchim dayiji

Dor vorsak Povitr satoleant, Jezuche koxt-moronn ami niyaltanv
Tori Pun amchem patki jivit bodlunk ami kiteak visortanv ?
Patki jivit sodunk nichov ami korum-ia gevun Devachem nanv
Voikuntant amkam sogleank sasnachea sukacho mukut favo zanv



Anvdetam ek povitr satolem sogott Khristi porjeak, toximch, oprub dhennim ani besanvam punorjivont zalea Jezuchim, sogleank kuxallborit ani anondborit Paskamchi porob anvdetam

Freddy Agnelo Fernandes
Nuem, Canacona/Dubai - UAE